LAOAG CITY – Nagaramid ti accomplishment report ni Vice Mayor Rey Carlos Fariñas nga isu ti pakakitaan dagiti nagapwanan ti konseho ditoy ciudad ti Laoag idi 2025.
Inpanakkel na nga iti 13th Sang Panlungsod ket nakaaramid da ti 62 a resolusyon, 20 nga ordinansa ken tallo nga appropriation ordinance manipod iti Hulyo agingga iti Disyembre 2025.
Malaksid kadagitoy, inpakaammo pay ti bise mayor nga adda ti pakabuklan a 26 a regular sessions ti balligi a naisayangkat.
Mainaig iti daytoy, nagyaman ti bise mayor kadagiti kameng ti konseho gapu ta iti baet a naggapo da iti nagduduma a partido ket saan a nagbalin a lapped iti panagkaykaysa da nga agtrabaho para iti pagsayaatan ditoy ciudad ti Laoag.
