LAOAG CITY – Kinumpirmaran ni dati a Barangay Chairman Eulojio Calucag iti Barangay Francisco iti ili a Dingras nga idi Abril 4 ita a tawen ket pinagsasawan ni Vice Mayor Jeoffrey Saguid iti nasao nga ili.
Daytoy ket gapu ta naidanun iti bise mayor a pinagsasawan na dagiti supporters na iti nasao a barangay.
Inpetteng ti dati a kapitan nga awan ti pinagsasawan na a supporters ti bise mayor.
Segun kenkuana, kayat na koma iti agpalawag ngem saanen a makasublat nga agsarita gapu iti panagsasao kenkuana ti bise mayor.
Innayon na a pinagsasawan pay bise mayor ti dakes ken nagpangta a puuran na daytoy a sibibiag.
Kabayatanna, inbatad ni Calucag nga iti karabian ti panagsarita da ti bise mayor ket adda ti napan a motorsiklo iti sango ti balay da ken adda ti nagubor kadakuada.
Gapu ti daytoy, kuna ni Calucag nga agpila ti reklamo kontra ti nasao a bise mayor.
Ginandat ti Bombo Radyo Laoag nga alaen ti komento ti bise mayor ngem nagkedked pay laeng a nagsarita mainaig iti alegasyon kenkuana ni Calucag.
