LAOAG CITY – Nagpa-tattoo manen ni Vice President Sara Duterte kalpasan nga inkari na iti ina na a saannan a nayunan pay ti immuna a tattoo na.
Iti ibibisita ti bise presidente iti Buscalan iti probinsya ti Kalinga ket saanen a nakapagkedked iti kiddaw ni Apo Whang-Od a maysa a nalatak a batuk artist iti pagilian.
Basar ken ni Bise Presidente Sara, kinumusta ti ina na ken namin-ado a daras a pinalagipan na daytoy a saanen nga agpa-tattoo pay.
Nupay kasta, namin-uppat a daras a kiniddaw ti batuk artista a patgan ti bise presidente ti kalikagom na a maikkan na manen ti tattoo sakbay a pumanaw iti probinsya da.
Inlawlawag ti bise presidente nga awanen ti plano na nga agpa-tattoo ken napan laeng iti nadakamat a probinsya tapno kuyugen ti maysa a tao na a mapan agpatattoo iti nalatak a batuk artista.
Kabayatanna, naragsakan met ni Apo Whang-Od gapu ta pinatgan isuna ti maikadwa a kangatoan nga opisyal iti Pilipinas.
Ni Whang-Od ket residente iti Buscalan a mabalin a pagturungan manipod iti Maynila iti uneg ti 12 nga oras a biyahe.
