LAOAG CITY – Dinepensaan ti Malacañang ti panggep ti Executive Order No. 81 nga inruar ni Presidente Ferdinand Marcos Jr. iti reorganization ti National Security Council.
Segun ken ni Executive Sec. Lucas Bersamin, daytoy ket tapno ad-adda nga episiente ken epektibo ti membership ti National Security Council.
Kinuna ni Bersamin, a saan a maikonsiderar a relevant ti bise presidente iti pagrebbengan ti konseho.
Nupay kasta, adda bileg ti Presidente a mangnayon kadagiti miembro ken advisers no kasapulan.
Maipalagip a nagikkat ni Pres. Marcos kadagiti kameng ti National Security Council no sadinno a ti bise-presidente ken dati a presidente ti naikkat a kas kameng ti National Security Council.
Sakbay pay iti daytoy, naammuan nga addan dagiti nagbaliwan ti organisasion ti National Security Council kadagiti napalabas nga administrasion nangruna iti panangidaulo ti dati a Presidente Fidel Ramos ken Gloria Macapagal-Arroyo.
