LAOAG CITY – Naikabil iti Yellow Alert ti Visayas Grid mangrugi iti oras ti 5:00 PM agingga iti 7:00 PM ita nga aldaw Setyembre 17, 2026 kalpasan a bimmaba ti operating margin a kasapulan ti transmission grid.
Bimmaba ti lebel ti ballaag no ikompara idi kalman ti rehiyon iti babaen ti Red Alert gapu ta ad-adda a naingpis a suplay ti kuryente.
Basar iti datos, adda ti 2,505MW nga available capacity kontra iti namnamaen a peak demand a 2,290MW.
Ti nangitunda ti pannakaideklarar ti Yellow Alert ket saan a panagtrabaho ti dadakkel a coal plants a TVI 1 ken PEDC 3 karaman ti limitado nga iseserrek ti suplay ti kuryente manipod iti Mindanao Grid.
Umabot iti 820.6MW ti mapukpukaw a kapasidad iti grid gapu iti forced outage ti sumagmamano a planta ken ti panagtaray ti 14 a sabsabali pay iti derated capacity.
