LAOAG CITY – Inuram ti maysa a vlogger a ni “Boy Negro” manipud idiay Calinog, Iloilo ti bagina para laeng iti content wenno tapno sumikat ken umadu ti followers-na iti online.
Iti 44 segundo a bidyu a nai-upload idi Marso 9, makitana nga adda ti iggemna a dua a tasa ti gasolina.
Binallaaganna dagiti ubbing a saanda a tultuladen ti ar-aramidenna kagiddan ti pananginomna ken ti panangibuyat ti gasolina iti bagina.
Sinindian isuna ti maysa a tao babaen ti sanga ti kayo puno ken naglippas ti bidyu idi natnag isuna iti bassit nga abut.
Idi Marso 10, nag-post ti vlogger nga ipakpakitana dagiti sinagabana a sugat manipud iti pannakasinitna ken nagkiddaw ti tulong pinansial kadagiti mangsupsuporta kenkuana para iti gastosen ti ospital.
Nabigbig ti vlogger iti narisgo a content daytoy.
Naammoan a kadagiti naglabas a bidyu, imminom isuna ti bleach, nangan ti detergent ken igges a nangitunda ti panagamak iti salun-atna.
