LAOAG CITY – Nakigtot ni Vice Mayor Rey Carlos Fariñas gapu iti panagbaba ti bilang dagiti enrollees nga estudiante ditoy siudad ti Laoag.
Daytoy ket naammoan kabayatan ti Leveraging Initiatives Yielding Accomplishments and Breakthroughs wenno LIYAB a naisayangkat iti dakkel a mall ditoy siudad ti Laoag.
Segun ken ni Vice Mayor Fariñas, adda ti 26,912 nga enrollees idi School Year 2023-2024 idinto nga ita nga School Year 2025-2026 ket adda ti agarup dua a ribu ti nagbabaan ti bilang dagiti estudiante ditoy siudad.
Mainaig iti daytoy, kunana a basar iti naawatda a report ket agkurkurang pay ti walo a pagadalan ditoy siudad ti Laoag ti guardia rason nga inyumanda daytoy a parikot ken ni Mayor James Bryan Alcid tapno masolbar nangruna ket innem laeng dagiti naka-plantilla.
Inbatadna a mangnamnama a masolbar daytoy nga insigida gapu ta kaasi dagiti estudiante no saanda a maipaayan ti napintas a kalidad ti edukasion.
Innayonna a kasapulan a mapagsasaritaan daytoy kabayatan ti Executive Legislative Conference gapu ta makaalarma daytoy a banag.
