LAOAG CITY – Kwinestyunaran ni Laoag City Vice Mayor Vicentio Lazo no kasano a nabukel ti Department of Public Safety (DPS).
Segun kenni Lazo, no ti pagibasaran ket ti Administrative Law, mabukel ti maysa a departmento babaen iti Kongreso.
Masdaaw ti bise mayor gapo ta dagiti dadduma a lokal a gobierno ket Public Safety laeng ti nagan ti opisina.
Daytoy met ti rason no apay nga inpaima na daytoy iti Committee on Peace and Order ken Laws tapno makorehir ti nagan ti nasao nga opisina.
Innayon na a masapol a masukatan daytoy gapo ta ti maysa a departamento ket maibilang a National Office.
