LAOAG CITY – Nakaisem laeng ni Vice mayor Vicentito Lazo iti pananglabsing ni Sang Panlungsod member Edison Bonoan iti “No Left Turn Policy” ditoy ciudad ti Laoag.
Inbatad ni Lazo nga iti panagsarita da ken ni Bonoan, inbaga ti konsehal nga agdardaras iti dayta a gundaway gapu ta mapan agatendar ti Flag Raising Ceremony.
Daytoy ket gapu ta isu ti panagsapata dagiti Junior Counterpart ti lokal a gobierno ditoy ciudad ti Laoag.
Inpakaammo pay ti bise mayor nga inyangaw na nga inbaga ken ni Bonoan a napan koma latta nagdonar ti 300 a pisos iti Treasurer’s Office tapno isunto ti ipatungpal da a multa kadagiti manglabsing ti “No Left Turn Policy”.
Innayon ni Lazo a masapol a sumurot amin, opisyal man wenno saan iti nasao a pagalagadan.
