LAOAG CITY – Inbunannag ni Vice Mayor Vicentito Lazo ditoy siudad ti Laoag a sakbay iti panagipila da ti kandidatura ket adda ti naiyuswat a panagtataripnong ti grupo da iti pagtaengan ni Gov. Matthew Marcos Manotoc mainaig iti panagkandidato da iti election 2022.
Kuna na a nadakamat ni Keon ti panagkandidato na kas mayor ditoy siudad no bilang suportaran ni Sen. Imee Marcos.
Inbatad ni Lazo a ti naibaga na met iti bagbagi na iti dayta a panagtataripnong ket suruten na iti anyaman a desisyon ti senador ken ti pamilya Marcos.
Idi naaddaan ti desisyon ket ni Lazo ti napili nga agkandidato a para Mayor a rason a nasken kuma nga awaten ni Mayor Keon a saan na a kabaelan a tallikudan ti karit kenkuana ti pamilya Marcos.
Daytoy ket mainaig ti panagpinnatudo na nos siasinno kadakuada ti nagtraydor.
Mainaig iti daytoy, kuna na nga intuloy na ti nagkandidato para Mayor idinto ti agdama a mayor ket nagpaidasig met para iti reelection rason a nadakamat a nagtraydor iti nagbalin a panagtataripnong da iti kallabes.
Kabayatanna, adda pay ti komento ni Lazo iti nagatang ni Mayor Michael Marcos Keon a pagtaengan iti Brgy. Calayab ditoy siudad ti Laoag no sadinno a naakusaran a naggapu iti kaban ti lokal gobyerno ti nausar a kuarta a naigatang.
Kuna ni Lazo nga iti naangay a Christmas Program idi tawen 2019 ket addaan ti arig nga ipangpangas ti mayor a nakagatangen ti dakkel a pagtaengan iti nasao a barangay nga agbalur iti 18 a milyon a pisos.
Inbatad na nga iti dayta a gunadaway ket innem pay laeng a bulan ti panagakem ni Keon kas mayor ditoy siudad rason a nasdaaw daytoy.
Inpalgak na saan na nga ibagbaga a tinakaw ti mayor ti ingatang na iti pagtaengan ngem ketdi nasken a makita dagiti resibo ken dadduma a dukomento manipud iti BIR, nupay naibaga ti mayor a nakalako iti apartment iti Metro Manila nga agbalur iti 9.5 a milyon a pisos.
