LAOAG CITY – Ad-ado nga oportunidad ti maipaay para kadagiti residente iti ili ti Sarrat.
Daytoy ti inpasigurado ni Vice Mayor Remigio Medrano iti nasao nga ili.
Inbatad ti bise mayor nga iti agdama nga administrasyon ket napinpintas ti relasyon ti executive branch nga idaulwan ti anakna a ni Mayor Ralph Medrano ken iti legislative branch nga idaulwan na.
Kuna na a no agtultuloy ti napintas a koordinasyon da ket naan-annayas ti pannakapartuat dagiti nagduduma a program gapu ta maymaysa ti direksyon da.
Inpanamnama ti bise mayor a kadagiti sumarsaruno nga aldaw ket makita ken mariknan dagiti residente ti dakkel a pagbalbaliwan iti ili ti Sarrat.
