LAOAG CITY – Inbatad ti Commission on Elections (Comelec) a possible nga i-postpone da ti voter registration para iti 2025 Barangay and Sangguniang Kabataan elections (BKSE) a naka-schedule a maiyuswat intono Hulyo ita a tawen iti possible a pannakaiyatiddog ti termino para iti Barangay ken Sang Kabataang officials.
Inrakurak daytoy ni Commission on Elections chairperson George Erwin Garcia kalpasan a rinatipikaran ti senado ti bicameral conference committee report a gagem na a maiyalud-od ti termino dagiti Barangay ken Sang Kabataang officials no sadinno a manipod iti tallo a tawen ket mapagbalin nga uppat a tawen, ken maipostpone ti elections iti umuna a lunes ti Nobyembre 2026 manipod met iti Disyembre 1, 2025.
Kuna ni Garcia a masapol a maawatan ti publiko a daytoy ket political decision ken saan a mabalin a makibiang ti Commission on Elections.
Innayon na a respetaren ti ahensya no ania ti mapagtutulagadan iti legislative department mainaig iti eleksyon.
Mainaig iti daytoy, inpalgak pay ni Garcia nga urayen da ti desisyon ni President Ferdinand Marcos Jr. no aprobaran wenno i-veto na ti nailungalong nga addang.
Inpakaammo ni Garcia nga adda ti isayangkat nga emergency meeting ti poll body iti sumaruno a lawas tapno pagsasaritaan da ti preparasyon para iti 2025 Barangay and Sangguniang Kabataan elections, karaman ditoyen ti procurement of requirements, ken ti possible a pannakasuspenso ti voter registration.
