LAOAG CITY – Nagpanawagan ni Atty. Alipio Castillo II, ti Provincial Election Supervisor ti COMELEC ditoy Ilocos Norte nga isakripisyo dagiti umili ti mapan agparehistro ita nga aldaw, Setiembre 30.
Daytoy ket tapno makabotos dagiti maseknan intono Election 2020.
Segun kenni Castillo, saanen maiyalud-od ti deadline a panagrehistro agingga intono alas-5 ti malem.
Inbatad na a matuloy man ti eleksyon wenno saan ket ti nasken laeng nga agparehistro dagiti maseknan tapno napinpintas tu metlaeng ti pannakaisayangkat ti 2020 election.
Kabayatanna, saan pay maibaga ni Castillo no mano dagiti talaga nakapagrehistro.
Inpasingked na a maamwan ti datos intono malem angingga intono bigat kalpasan ti pinal a panagbilang da.
Nupay kasta, kunana a silulukat ti opisina ti COMELEC para kadagiti umili a mapan agparehistro ita nga aldaw.
