LAOAG CITY – Awan pay ti kumpirmasion no agatendar ni Vice President Sara Duterte iti impeachment hearings ti House Committee on Justice a naikeddeng inton bigat, Marso 25, basar ken ni Bicol Saro Rep. Terry Ridon.
Inbatad ni Ridon nga agingga ita ket awan pay ti komunikasion manipud iti kampo ti Bise Presidente mainaig iti panagatendar iti panagdengngeg a mangrugi iti pormal a panangtalantan iti nabatbati nga impeachment complaints.
Inpetteng dagiti agpanpanday linteg kas ken ni Deputy Speaker Paolo Ortega V, napateg a dumatag ni Vice President Duterte tapno sungbatan dagiti alegasion gapu ta daytoy ket paset ti panagsungbat iti babaen ti Konstitusion.
Basar met iti House panel, ti impeachment proceedings ket saan a maysa a full trial no diket panangtingiting ti ebidensia ken testimonia tapno maammoan no adda ti umdas a pagibasaran tapno maituloy ti reklamo.
Karaman kadagiti alegasion kontra iti Bise Presidente ti maipagarup a misuse of confidential funds, bribery ken dadduma pay a posible a panaglabsing iti Konstitusion.
Agtultuloy a namnamaen ti komite ti agbalin nga addang ti kampo ni Duterte kabayatan nga umas-asideg ti naikeddeng a panagdengngeg.
