LAOAG CITY – Saan pay laeng a mangipaay ti reaksion ni Vice President Sara Duterte iti impeachment complaint a naipila kontra ken ni Presidente Ferdinand “Bongbong” Marcos Jr.
Ti impeachment complaint ket inpila ti abugado a ni Andre de Jesus a nangakusar ken ni Marcos ti graft ken korapsion, culpable violation ti Konstitusion ken betrayal of public trust.
Karaman iti reklamo ti maipagarup a kinakurang iti kabaelan nga agserbi ti Presidente gapu iti pannakaadik iti droga nga ibagbagana a supsuportaranna ti dati a rakurak ti kabsatna a ni Senadora Imee Marcos.
Inendorso met ni House Deputy Minority Leader ken Pusong Pinoy Party List Rep. Jett Nisay ti nasao nga impeachment complaint.
Basar iti Presidential Communications Office, inpettengda ti panangrespetar ti reklamo ken inpaganetgetda a natibker dagiti institusion ti Pilipinas ken nalawag dagiti proseso.
Nupay kasta, inladawan ni Palace Press Officer Claire Castro ti reklamo nga awan ti pangibasaranna.
