LAOAG CITY – Inrakurak ni Vice President Sara Duterte a naawat nan dagiti nagbalin a desisyon ti International Criminal Court (ICC) nga adda an daytoy ti hursdiksiyon ken iti confirmation of charges kontra ken ni dati a Presidente Rodrigo Duterte.
Inrakurak daytoy ti Bise Presidente iti interview kenkuana idiay The Hague, Netherlands kalpasan a binisita na ti ama na.
Agdama nga adda idiay The Hague ti bise presidente kalpasan a pinalubusan ti Malacañang ti panagbiyahe na iti sabali a pagilian manipod Mayo 2 agingga iti Mayo 15.
Segun ken ni Vice President Duterte, kalpasan ti nagbalin a desisyon ti international tribunal, para kenkuana let kasapulan ti defense team ti dati a Presidente nga ag-move on ken agsagana para iti trial.
Innayon na a saanna a makitkita nga ibbatan ti International Criminal Court ti kaso ti ama na.
Kabayatanna, nagyamanan ti bise presidente dagiti supporter Ken agtultuloy a mangnamnama a a makaawiden ditoy Pilipinas ti dati a Presidente.
Naka-schedule ti panangisayangkat ti Trial Chamber III ti status conference iti crimes against humanity kontra ken ni Duterte intono Mayo 27 ita a tawen.
