LAOAG CITY – Kinumpirmaran ni Vice President Sara Duterte a saan daytoy a makasubli ditoy pagilian sakbay ti State of the Nation Address wenno SONA ni Presidente Ferdinand Marcos Jr.
Naammoan a kalpasan ti State of the Nation Address inton Hulio 28 ket inrakurak dagiti agpanpanday linteg ti 20th Congress a rugiandan ti impeachment trial.
Segun iti Bise Presidente, manarimaan ti panagsagsagana dagiti abugadona maipanggep iti daytoy a banag.
Inbatadna nga ipabus-oyna pay laeng kadagiti abugadona dagiti agbalin a sungbatna kadagiti saludsod ken apaman a makasubli ditoy pagilian ken nakasagana daytoy a sungbatan dagiti saludsod dagiti agpanpanday linteg kenkuana.
Inpaganetget ti Bise Presidente nga iligal ti inaramid a panangala kadagiti impormasion mainaig iti bank records-na no sadinno a nakagana daytoy a sungbatan iti umiso a panawen.
