LAOAG CITY – Inawagan ni Vice President Sara Duterte a naar-aramid laeng ti impeachment case a naipila kontra kenkuana iti Kamara de Representantes, kagiddan ti panagyaman na iti agtultuloy a panangsuporta kenkuana ti publiko.
Kuna na a kalpasan nga inwaragawag na nga agpadasig a para presidente ket ado dagiti nangidanun ti suporta ken panagtalek da kenkuana.
Nagyamanan pay ti Bise Presidente dagiti supporters na a naiget a mangkontra iti impeachment proceedings iti babaen dagiti rally ken demonstrasyon.
Inrakurak pay ni Bise presidente Duterte a napagsaritaan da iti ama na a ni dati a Presidente Rodrigo Duterte, ti isyu a sangsangwen na.
Segun kenkuana, mamati da a dagiti mapaspasamak iti biag ket paset ti plano ti Diyos, karaman ditoy no ma-impeach wenno saan.
Ni VP Sara ket agdama nga adda idiay The Hague tapno bisitaen ti ama na a nakabalud ken sumangsango kadagiti kaso a crimes against humanity iti International Criminal Court.
Pulitika
