LAOAG CITY – Addan ti leader ti Russia’s 24-hour mutiny a ni Yevgeny Prigozhin idiay Belarus, tallo nga aldaw kalpasan ti rebelyon ti Wagner mercenary group nga idaulwan na iti Moscow.
Kinumpirmaran ni Belarus leader Alexander Lukashenko nga adda iti pagilyan da ni Prigozhin kageddan ti panangirakurak na ti pannakaurnos ti exile daytoy.
Ummuna iti daytoy, awan ti makaammo no sadinno ti ayan ni Prigozhin kalpasan a nakita daytoy a nakalugan a rumuar iti southern Russia iti rabii ti Sabado ngem iti Martes ket na-tracked a ti private jet na ket agturong iti kabisera ti Belarus a Minsk.
Segun kenni Lukashenko, naidiaya iti Wagner mercenaries a pumanaw iti naabandornar a military base no kayat da a suruten ti lider da.
Iti nasao a katulagan nga isu ti nangleppas iti mutiny, naikari kenni Prigozhin ti seguridad ken naibabawi pay ti Russian criminal case kontra iti Wagner.
Isagsagana metten ti Moscow ti pannakaiyakar dagiti heavy weapons ti grupo iti regular military ken dagiti miembro ket mabalin da nga agpili no agpirma iti regular army contracts, agawid wenno mapan met iduiay Belarus.
Kabayatanna, nagballaag ti Nato allies a Poland, Latvia ken Lithuania a ti isasangpet ti Wagner idiay Belarus ket mabalin a makaitunda ti gulo iti kabangibang na a pagilyan.
