LAOAG CITY – Positibo ti resulta ti naisayangkat a search operation iti maysa a pagtaengan iti Sitio 6, Barangay 55-C Vira ditoy ciudad ti Laoag.
Nabigbig ti subject ti operasyon a ni Mr. Villamor Clemente Jr. alyas “Bobot”, agtawen ti 48, empleado ti maysa a Construction supply ken residente iti nasao a lugar.
Ti search warrant ket inparuk-at ti Regional Trical Court Branch 11 ditoy ciudad ti Laoag ken nakailanad a ti masukimat ket shabu.
Nakumpiskar iti operasyon ti walo a sachet ti maipagarop a shabu.
Segun met iti asawa ni Bobot a ni Mrs. Marie Jane Clemente, manarimaan ti panagkape ti asawa na ken matmaturog met isuna idi maipagarop ng adda ti kellaat a simrek iti pagtaengan da rason a nagtaray ni Bobot.
Inbatad na a kiniddaw na kadagiti maseknan nga ipakita da ti search warrant ngem maipagarop a saan da nga inpakita ken pinarwar da daytoy iti pagtaengan da ken kinamat da ti asawa na.
Inpetteng na pay a nagkiddaw ti tulong ngem maipagarop a natutukan daytoy ti paltog.
Iti pannakaiyuswat met ti operasyon iti kwarto ket nagwala ni Clemente gapo ta nawara ti foam da a patien na a nagaraw daytoy ken idi kinita na ket adda ti maipagarop a sachet ti shabu a patien na nga inkabil dagiti simrek.
Gapo iti sakit ti nakem ket inpurwak na ti sachet ti maipagarop a shabu iti tawa ti pagtaengan da ken ti karaman kadagiti nakumpiskar ket saan nga isu ti inpurwak na.
Mapilaan met ti kaso nga Obstuction of Justice ni Mrs. Clemente gapo iti inaramid da.
Saan na met a masinunuo no anya ti rason a nagtaray ti asawa na.
Inpakammo na a ti asawa na ket dimmalan iti depresyon ken nabalod idin iti tallo a tawen ngem patien na a nagbalbaliwen daytoy.
Mainaig iti daytoy, inpetteng na nga awan ti iligal a dorga iti pagtaengan da ken saan na nga ammo no sadinno ti naggapoan dagiti nakumpiskar.
Maluksaw met ni Clemente no apay a mapilaan ti kaso gapo ta patien na nga awan ti basol na.
Agpapan maisursurat ti damag ket saan pay nga ammo ti ayan ni Bobot kalpasan a nagtaray.
