LAOAG CITY – Natiliw dagiti walo nga indibidual gapo it iligal a panagsusugal da iti Barangay Baduang iti ili ti Pagudpud.
Nabigbig dagiti natiliw ng isuda Elgimar Yagyagan y Agcaoili, agtawen ti 31; John Glen Malapit y Udaundo, agtawen ti 20; Froylan Belda y Andres, agtawen ti 17; Jaymark Agbincola y Rillon, agtawen ti 32; Mary Jane Tango y Rangasan, agtawen ti 22; Angelo Pascua y Bactad, agtawen ti 33; Romel Malata y Lacar, agtawen ti 30; Sprite Lagundino y Arguiles, agtawen ti 31 agpapada nga awanan ti asawa ken residente dagitoy iti nasao a barangay.
Basar iti report, nagresponde dagiti kameng ti Philippine National Police iti ili ti Pagudpud iti report nga adda ti mapaspasamak nga illegal gambling operation iti nasao a lugar.
Naamoan a nakadanon da iti nasao a lugar ket naaktuan da ti panagay-ayam dagiti suspek ti “Pepito”.
Nakumpiskar dagiti otoridad ti 780 a pisos kas pusta, maysa a lamisaan, innem a monoblock chair, 52 a pidaso ti baraha.
Kabayatanna, sumango met dagitoy ti kaso a panaglabsing iti Presidential Decree 1602.
