LAOAG CITY – Natiliw ti maysa a lalaki idiay Brgy. Sto Nino, Lubao Pampanga babaen ti bileg ti maysa a Warrant of Arrest nga inserbi ti PNP-Laoag ken PNP-Lubao, Pampanga gapo ti kaso na a frustrated murder.
Nabigbig ti akusado a ni Oliver Abad y. Burlo, agtawen ti 42, awanan ti asawa, ken residente iti Brgy. 23 ditoy ciudad ti Laoag.
Ti nasao a warrant of arrest ket inparuk-at ni Judge Francisco Quilala iti RTC branch 13 ditoy ciudad ti Laoag.
Nairekomendar ti 12 a ribo a pisos a piyansa t suspek para iti temporaryo a pannakawaya-waya na.
Iti agdama, nagtalinaed ti suspek iti kustudyar ti PNP-Laoag para iti naan-anaya a disposisyon kenkuana.
