LAOAG CITY – Nagballigi dagiti otoridad a nangtiliw ti maysa a wanted person idiay Pagudpud, Ilocos Norte.
Nabigbig daytoy a ni Ryan Martines y Tacata, agtawen iti 31, baro, awanan ti trabaho ken residente iti Barangay Ligaya ti nasao nga ili.
Natiliw ni Martines babaen ti bileg ti maysa a warrant of arrest nga inparuk-at ni Hon. Judge Nida Alejandro, Presiding Judge iti RTC 12 ditoy ciudad ti Laoag gapu ti kaso na a panaglabsing iti Republic Act (RA) 10586.
Naamoan a napilaan ti kaso ni Martines kalpasan a nagiturong a nabartek ken adda ti nadungpar na iti kallabes.
Iti agdama, nagtalinaed ni Martines iti kustodyar ti PNP-Pagudpud kalpasan a saan a nakapagpiyansa iti 120 ribo a pisos.
