LAOAG CITY – Nagballigi dagiti kameng ti Philippine National Police a nangarestar iti maysa a wanted person iti Poblacion Dos iti ili ti Pagudpud.
Daytoy ti inbatad ni Police Major Carlo Abing, ti chief of police iti nadakamat nga ili.
Binigbig ni Abing ti nasao nga akusado a ni alyas Niknik, agtawen ti 22, baro ken residente iti Barangay Pancian iti nasao nga ili.
Segun ken ni Abing, naarestar ti akusado babaen ti bileg ti warrant of arrest nga inparuk-at ni Hon. Judge Marie Victoria Acidera iti Municipal Circuit Trial Court iti ili ti Bangui gapu iti kaso na a robbery.
Nairekomendar ti 18 ribo a pisos a pagpiyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti Philippine National Police iti ili ti Pagudpud.
Rumrumuar a ti akusado ket maipagarop nga adda dagiti tinaktakaw na iti nadakamat nga ili isut gapuna nga adda dagiti nangireklamo kenkuana.
