LAOAG CITY – Natiliw ti maysa a wanted person iti Barangay Paltit iti ili ti Badoc babaen iti nagtitipon a pwersa ti PIU, INPPO (lead unit), INPIDMU, CIDG Iloos Norte, Badoc-PNP ken Batac CPS.
Ti akusado ket agtawen ti 24, baro, residente iti Blck lot 83, Rosal St. Bgry San Isidro, Mariveles, Bataan.
Naamoan a ti pannakatiliw ti akusado ket babaen ti bileg ti warrant of arrest nga inparuk-at ni on. Judge Ligaya Valdez Solisipan iti MCTC First Judicial Region Badoc-Pinili Ilocos Norte gapu iti kaso na a panaglabsing iti Article 365 Imprudence and Negligence (Reckkess Imprudence).
Nairekomendar ti 20 ribo a pisos a piyansa ti akusado para iti temporaryo a pannakawaya-waya na.
