LAOAG CITY – Balligi ti pannakatiliw ti maysa a Wanted Person babaen iti alias warrant of arrest gapo iti kaso na a frustrated murder.
Naarestar daytoy iti Sitio Mabiga East, Barangay 4, Pasaleng, Pagudpud, Ilocos Norte.
Ti akusado ket agtawen ti 47, awanan ti asawa, tubo iti Baranay 8 Bomitog iti ili ti Banna ken agdama nga agnanaed iti Pasaleng ili ti Pagudpud.
Inserbi dagiti otoridad partikular ti Provincial Special Enforcement Team, Ilocos Norte Police Provincial Office nga indaulwan ni Police Capt. Tolentino Erum, ken ti Pasuquin Municipal Polce Station babaen iti superbisyon ni Police Col. Julius Suriben, ti Provincial Director.
Katulungan da ti PIU-INPPO, INTPU, INCIDT, 101st MC, RMFB1, 144 Special Action Company/14 Special Action Batallion ken ti Pagudpud Municipal Police Station.
Ti warrant of arrest ket inparuk-at ni Hon. Judge Ramon R Pacis iti Regional Trical Court Branch 14 ditoy ciudad ti Laoag a napetsaan ti Agosto 19, 1999.
Narekomendaran met daytoy a makapagpyansa ti 200 a ribo a pisos para iti temporaryo a pannakawaya-waya na.
