LAOAG CITY – Natiliw dagiti wanted person babaen ti bileg ti warrant of arrest nga inserbi ti PNP iti ili a Pagudpud.
Nabigbig dagiti akusado a da Vincent Allan Caluya, agtawen ti 50, awanan asawa, negosyante kenni Donald Garry Caluya, agtawen ti 43, negosyante ken agpada a residente ti Brgy. Makati Prime Tower iti siudad ti Makati.
Sumangsango dagiti akusado ti kaso a panaglabing iti RA 6539 wenno carnapping.
Nairekomendar ti sag-180 a ribo a pisos para ti temporaryo a pannakawaya-waya dagiti akusado.
