LAOAG CITY – Nakaaramid ni Andrew Wiggins ti 30 points ken nakagun-od ti Golden State Warriors ti maysa a knockout round spot iti NBA Cup manipud iti 112-108 a panangabak iti Pelicans.
Nakaiskor ni Stephen Curry ti 19 a markers para iti Golden State (12-3) nga addaan ti 3-0 record iti West Group C.
Nakaaramid met ni Buddy Hield ti dua a free throws iti maudi nga 18.5 segundo tapno maala ti visiting team ti maysa a wild card no saan nga agbalin a group winner.
Indauloan ni Trey Murphy III ti New Orleans (4-13) iti 24 points-na ngem saan a nagballigi ti 3-pointer iti nabatbati a lima a segundo.
