LAOAG CITY – Inpakaammo ni Mrs Perlita Cabello, mangidaulo iti City Social Welfare and Development Office (CSWDO) a dakkel ti suporta nga ipapaayda kadagiti Water Lilly Weavers ditoy siudad ti Laoag.
Kunana nga addenda ti 35 a miembro no sadinno nga isuda ti agar-aramid kadagiti nagduduma a handicraft usar ti water lily kas kuma ti basket, pot holder, flower base, kallugong, ken nadumaduma pay a ramit a pang-display.
Inbatadana a nabukel ti asosasion idi 2011 a dakkel a tulong a pagsapulan ken kasta metten nga adda ti pannakausar dagiti water lily.
Maininag iti daytoy kuna ni Cabello nga agtultuloy ti suporta ti gobierno siudad babaen iti administrasion ni Mayor James Bryan Alcid iti daytoy a livelihood program.
