LAOAG CITY – Temporario nga inpasardeng ti White House ti pammilinda a panang-freeze kadagiti federal grants ken loans.
Dytoy ket kageddan ti nagbalin a pammilin ti maysa nga hues a temporario a panagsardeng ti nasao a pammilin agingga inton Martes.
Nagturong iti korte ti grupo dagiti recipients ken inpilada ti pannakaipasardeng ti pammilin.
Dagus met nga inbilin ti acting head ti White House budget office dagiti ahensia a temporario nga isardeng ti amin nga aktibidad nga adda ti pakainaiganna iti obligasyion wenno disbursement ti amin a federal financial assistance.
Kunana a gagem ti opisinada tapno maikkan ti administrasion ti oras a matingiting ano ania ti grants ken loans ti maapektaran.
Maipalagip nga idi Lunes ket inrakurak ni United States President Donald Trump ti panagsardeng dagiti federal grants ken loans tapno makissayan dagiti magastos ti gobierno.
