LAOAG CITY – Nagpakdaar ti World Health Organization kadagiti tattao, nangruna dagiti agtutubo, nga agus-usar iti headphone ken dumdumngeg iti napigsa a musika.
Segun iti organisasion, ti agtultuloy a panagdengngeg iti napigsa a musika babaen ti headphone ti maysa kadagiti kangrunaan a pakaigapuan ti pannakasul-ot.
Innayon ti organisasion, mapatta-patta a nasurok a 1 billion nga agtutubo ti agpegpeggad a mapukaw ti panagdengngegda gapu iti daytoy.
Inpaganetget pay ti World Health Organization nga apaman a mapukaw ti abilidad nga agdengngeg, saanen a maisubli, isu a bayat a nasapa pay, nasaysayaat no liklikan daytoy a peggad.
Mainaig iti datos nga inpalgak ti organisasion, irekomendarda a tapno maksayan ti peggad a patauden ti panagdengngeg kadagiti napigsa a headphone, nasayaat no limitaran ti panagdengngeg iti maysa nga oras iti kada aldaw.
Naikuna nga agingga iti 360 milion a tattao, wenno 5% iti intero a populasion ti lubong.
Kabayatanna, kinuna ti organisasion a mabalin a malapdan ti nasurok a kagudua a rason ti pannakasul-ot.
