LAOAG CITY – Posible nga agsubli iti pagbaludan ti maysa nga exconvict a pulis ken naka-probation kalpasan ti naimballigian a search warrant operation iti mismo a pagtaengan na idiay ili ti Adams.
Binigbig ni P/S/Inps. Michael Permisson Chief of Police ti nasao nga ili ti nasao a dati a pulis a ni Mandy Barriga, agtawen ti 56 baro ken awanan trabaho.
Segun ken ni Permisson, nakaawat da ti report nga adda ti ilemlemmeng a paltog ken eksplosibo ni barriga isu nga inalaan da ti search warrant.
Kuna na a kas resulta ti operasyon, nakaala da ti maysa a granada, kalibre 38 ken nagduduma a klase ti bala para iti armalite, calibre 45 ken 9MM.
Kuna pay ni Permisson nga adda impormasyon a naawat da a ni Barriga ket adda grupo na a mabalin a mausar a pangriribok iti masungad nga eleksiyon.
Inlawlawag pay ti opisyal a ni Barriga ket nakaprobation gapu iti kaso na a double murder gapu iti daydi panangpapatay na ti Mayor ken Chief of Police ti nasao nga ili idi 1980’s.
Isagsaganan ti pulisya ti kaso a panagsalungasiing iti RA 10591 wenno Comprehensibe Law on Firearms and Ammunition Act ken RA 9516 wenno panagikot iti eksplosibo.
