LAOAG CITY – Kinumpirmaran ti aktor a ni Xian Lim nga adda ti relasionda ken ti film producer a ni Iris Lee.
Kinunana a kankanayonda nga agkitkita ken naragsakda iti tunggal maysa.
Nupay kasta, inlawlawagna a saan a ni Lee ti namunganayan iti panagsinada iti dati a nobyana ken aktres a ni Kim Chiu.
Maipalagip nga idi Disiembre 23, 2023 idi kumpirmaren dagiti dua a nagsinadan kalpasan ti 12 a tawen a relasionda.
Nangrugi laeng nga ag-date-da ken ni Lee sumagmamano a bulan kalpasan ti panagsinada ken ni Chiu.
