LAOAG CITY – Inadmitir ti beterana nga aktres a ni Yayo Aguila nga adda ti karelasyon na.
Segun ken ni Yayo, uppat a tawenen ti relasyon da iti maysa a lalaki nga M.V ti inisyal ti nagan na ken saan nga artista, ngem adda ti pakainaigan na iti showbiz ti pamilya na.
Inbatad ni Yayo a sigud da nga agpagayam iti kaayan-ayat na, nga ub-ubing ngem isuna iti uppat a tawen.
Mamati ni Yayo a daytoy ti maikadwa a gundaway ti panagbalin na a naragsak kalpasan a nagsina da iti dati nga asawa na a ni William Martinez.
Maipalagip a nagpaot iti 25 a tawen ti panagdenna da Yayo ken William sakbay a nagsina da.
Kabayatanna, naragsak nga inpakaammo ti aktres nga adda dagiti banag a na-experience na iti agdama a relasyon na a saanna pulos a napadasan iti 25 a tawen a panagdenna da iti dati nga asawa na, kas iti pannakaipaay kenkuana ti gundaway nga agtravel iti nagduduma a pagilian.
