LAOAG CITY – Nagdesision ni Rain or Shine head coach Yeng Guiao a saanen a sumrek iti lubong ti pulitika.
Kas dati a Pampanga Representative, Vice Governor ken Board Member ket saanen a mangipila ti aniaman a posision para iti 2025 Midterm Elections.
Inbatadna a ti desisionna nga agsardengen iti pulitika ket gapu iti pamiliana.
Ni Guiao ket anak ni dati a Pampanga Governor Bren Z. Guiao.
Maipalagip a tawen 2013 idi nangabak iti Kongreso no sadinno dagiti inlungalongna a gakat ket ti Athlete’s Incentive Act nga isu ti nangipangato ti insentibo a maawat dagiti atleta kadagiti international tournaments no sadinno a makaawat ti lima a milyon a pisos nga insentibo kadagiti Olympic gold medalist manipud iti dati a maysa a milyon a pisos.
