LAOAG CITY – Nabayagen a saanen a nakaaramid ti pelikula ni Zanjoe Marudo gapu ta agpilpili isunan ti film project a kayatna nga aramiden.
Inbatad ni Ogie Diaz, ni Zanjoe talaga ti kayatda nga alaen a bida iti How To Get Away From My Toxic Family isu a sakbayda a nag-casting, inpasiguradoda nga umuna nga awaten daytoy ti Kapamilya actor.
Kunana nga apaman nga immannugot ti aktor nga aramiden ti pelikula ket dagusda a binukel ti cast ket nasken nga agkakarupada kas maysa a pamilia.
Naammoan a da Susan Africa ken Nonie Buencamino ti innalada nga ama ni Zanjoe ken da Lesley Lina, Richard Quan, Juharra Asayo ken Keena Pineda ket isu ti kakabsatna iti nasao a pelikula.
