LAOAG CITY – Nakasagana ni Ukrainian Pres. Volodymyr Zelensky a makipaset iti panagsarita da United States Pres. Donald Trump ken Russian Pres. Vladimir Putin.
Daytoy ti inrakurak ni Ukrainian Pres. Zelensky kalpasan ti White House meeting.
Segun ken ni Zelensky a nakasagana daytoy a makipaset iti maisayangkat a summit idiay Hungary nga atendaran da Trump ken Putin no maimbitaran isuna.
Inrakurak da Trump ken Putin idi Huebes nga adda ti planoda a mangiyuswat ti panagsarita maipanggep iti gubat iti Ukraine idiay Budapest kadagiti masungad a lawas.
Inallukoy ti Estados Unidos ti Ukraine nga akseptaren ti kondision ti Russia tapno naan-anayen a malpasen ti gubat.
Nupay kasta, inpakaammo ni Zelensky ken ni Trumo a ti kangrunaan a gagemna ket ti kinakappia a saan ketdi a ti ginaganat a kinakappia.
Binabalawna ti Hungary a lokasion a pakaisayangkatan ti panagsarita da Trump ken Putin gapu ta awan ti maipaay nga aniaman a pagsayaatan ni Prime Minister Viktor Orban kadagiti Ukrainians.
