LAOAG CITY – Nakitaripnong ni Ukrainian President Volodymyr Zelensky ken ni King Charles idiay Windsor.
Daytoyen ti maikatlo a daras a nagkita da Zelensky ken King Charles ita a tawen.
Nagturong ti Ukrainian leader idiay London tapno makipaset iti panagtitipon kaduana ni United Kingdom Prime Minister Keir Starmer.
Namnamaen ni Starmer nga ipursige dagiti European leaders nga ipaayan ti Ukraine ti ad-adu pay a long-range missiles kalpasan ti naballigi a panangatake iti Russian chemical plant babaen ti British-supplied Storm Shadow missiles.
Namunganay daytoy kalpasan ti panangipataw ni United States President Donald Trump ti pannusa kontra kadagiti dua a dadakkel nga oil companies ti Russia tapno ma-pressure ti Moscow a sumrek iti negosasion.
Immuna iti daytoy, nagkedked ni Trump nga ipaayan ti Ukraine ti long-range Tomahawk missiles.
