LAOAG CITY – Balligi ti pannakaisayangkat ti walkadance kas paset ti national womenβs month celebration ditoy ciudad ti Laoag.
Segun ken ni Miss Mary Joan Pasigui, ti mangidadaulo iti Violence Against Women desks (VAW) Office ditoy ciudad, napaneknekan manen ti dakkel a responsibilidad ken akem dagiti babbai iti komunidad.
Inbatad na a nagtitipon dagiti babbai manipud kadagiti nagduduma a gunglo, asosasyon ken empleado ti gobierno para iti βWalkadanceβ ita a National Womenβs Month Celebration a nagbibinnuligan nga inorganisar ti Laoag City Government, City Social Welfare and Development ken Zonta Club.
Innayon na a nagna dagiti partisipantes manipod Ilocos Norte Centennial Arena agingga iti Aurora Park, no sadinno a ditoy a naipakita ti kinatibker ken panagkaykaysa dagiti babbai.
Kalpasan iti daytoy ket naisayangkat ti Zumba ken Self-Defense Demo para iti salun-at ken panangsalaknib ti bagi.
Kunana a ti kangrunaan a mensahe ti womenβs celebration ket gender equality ken respeto iti tunggal maysa.
