LAOAG CITY – Maysa ti natay ken 14 ti nasugatan iti naudi a panangraut ti Russia kadagiti sumagmamano a paset ti Ukraine kangrunaanna iti Kherson, Donetsk, Kharkiv ken Dnipropetrovsk.
Daytoy ti naminsan manen a panangraut ti ballistic missiles ken cruise missiles ti Russia no sadino tinarget daytoy ti power facilities ti Ukraine.
Natamaan pay ti panangraut ti psychiatric hospital iti Kharkiv a nangitunda ti pannakasugat ti agtawen ti 53 a babai a pasiente.
Nadadael met dagiti 12 a pagtaengan ken lima pay a pasdek iti Donetsk Oblast settlements.
Malaksid iti daytoy, sumagmamano nga apartment buildings, tiendaan, beauty salon ken dadduma pay nga establishimento ti naperdi gapu iti panangraut.
