LAOAG CITY – Kritikal ti kondisyon ti driver ti 10 wheeler truck kalpasan a natennag iti derra-as iti paset ti Brgy. Dipilat, Vintar, Ilocos Norte.
Nabigbig ti biktima a ni Ronel Galia, agtawen ti 41 ken residente iti ili ti Pagudpud.
Kinumpirmaran ni Mr. Almond Leaño a 50 a metro ti kangato ti nakatennagan ti lugan ken napan iti karayan.
Immuna iti daytoy, naawanan ti kontrol ti driver ken nadlaw na nga in-inot a matentennag ti lugan isut gapo na a ginandat na ti pumanaw ngem gapo ti kalukneng ti daga ket nagtultuloy agingga iti baba.
Gapo iti daytoy, naipit ti biktima iti 10 wheeler truck a nagresulta ti pannakatukkol ti saka na, bakrang ken nakasugatan ti bagbagi na kangrunaan na ti ulo na.
Dagus met a naitarayti biktima iti ospital.
Mamati met ni Sangguniang Bayan Member Oscar Diza a saan a kabisado ti driver ti nasao a lugar.
