LAOAG CITY – Naminsan manen a nangiwayat ti airstrike ti United States iti tallo a bangka a maipagarup a mangikabkabil ti iligal a droga iti eastern Pacific ken iti Caribbean.
Basar iti United States Southern Command nga iti nasao nga operasion ket natay ti 11 nga indibidual a nakalugan kadagiti nasao a barko.
Daytoy ket kalpasan nga adda ti nakalapda nga impormasion a dagitoy ket adda ti kargana nga iligal a droga.
Awan ti miembro ti United States military ti nadangran idinto nga adda ti uppat a pimmusay iti umuna a bangka, uppat met iti maikadua ken tallo a tattao ti natay iti maikatlo a bangka.
Maipalagip a sipod pay idi Setiembre iti napalabas a tawen idi rugian ti airstrike ket umaboten iti 135 nga indibidual ti natay.
Inpaganetget ni United States President Donald Trump a dagiti bangka a patpatarayen dagiti cartels ket isu ti agikarkarga kadagiti iligal a droga idiay Estados Unidos.
