LAOAG CITY – Inpaayan ti pammigbig ti gobierno probinsial dagiti 12 baro a doktor manipud iti Mariano Marcos State University kalpasan a nakapasa dagitoy iti naiyuswat a 2024 Physician Licensure Examination.
Nabigbig dagiti 12 a doktor nga isuda Dr. Neil Nelson Calaycay, Dr. Carl Kasten Cocsen, Dr. Levi Corpuz, Dr. Nicole Sheen Fernandez, Dr. Jasmain Gail Pascual, Dr. Lois Marie Salmorin, Dr. Natalie Faye Tunac, Dr. Frances Luisa Rina Usuquen, Dr. CZR Decloedt Abrogena, Dr. Kimberly Pajinag, Dr. Alexa Jade Palmes ken ni Dr. Morada Empress Therese Diana.
Mainaig iti daytoy, inbatad Mr. Willie Jake Sib-at, Officer In-charge ti Provincial Education Office, kadagupan kadagiti 12 a pimmasa ket tallo kadagitoy ti scholar manipud iti gobierno probinsial.
Inlawlawagna a manarimaan iti panangtingitingda iti naputar nga ordinansa para kadagiti scholar iti probinsia a dakkel a makatulong kadagiti agtutubo nangruna kadagiti mangal-ala iti kinadoktor.
Inpasigurado ni Sib-at a sidadaanda a mangipaay ti tulong kadakuada babaen iti suporta ti gobierno probinsial.
Kabayatanna, immawat dagiti 12 a baro a dockor manipud iti Mariano Marcos State University iti sertipikasion iti mismo Session Hall iti Sangguniang Panlalawigan.
