LAOAG CITY – Inbatad ni Mr. John Paul Marbella, ti information officer iti DOLE Region 1 a mandatory ti pannakaipaay ti 13th month pay kadagiti mangmangged iti pribado ken pampubliko a sektor .
Kuna na a daytoy ket kas naiyataday iti Presidential Decree 851.
Segun ken ni Marbella, dagiti kwalipikado a makaawat ti 13-month pay ket dagiti empleado nga addan maysa a bulan nga agpapaay iti kompanya.
Inlawlawag na a daytoy ket iti laksid a contractual wenno regular ti estado ti employment ti mangmangged.
Mainaig iti daytoy, kuna ni Marbella a saan a mabalin nga awan ti maited a 13th month pay dagiti kompanya kadagiti empleado gapu ta panaglabsing daytoy iti linteg.
Immunan nga inpakaammo ti information officer a dagiti small and medium enterprises a marigatan a mangipaay ti 13th month pay ket addan ti diaya a 0% para iti loan babaen iti Department of Trade and Industry.
Naamoan a kanayun a mangiyuswat ti DOLE iti labor inspectio program tapno makita nu sumursurot dagita kompanya iti labor code.
