LAOAG CITY – Napan nagibunong ti grupo ni Mayor Antonio Mariano ti food packs iti Barangay Cacafean iti ili ti Marcos.
Segun iti mayor, umabot iti 149 a pamilya ti naipaayan ti food packs a pakairaman ditoy ti bagas, de lata, noodles ken dadduma pay.
Inbatad na a tinawen nga ar-aramiden da daytoy ken saan laeng a dagiti residente iti Barangay Cacafean ti matultulungan no di ket iti pay dadduma a barangay iti ili ti Marcos kangrunaan dagiti marigrigat.
Innayon na nga iti kallabes ket sapasap a maik-ikkan dagiti umili ngem kadagitoy ket napagnunumoan da a dagiti laengen marigrigat ti iprayoridad da.
Patien ti mayor a maawatan dagiti umili daytoy nga addang da.
