Maragsakan ni Atty. Ferdinand Ignacio, iti nagbalin a desisyon ti Office of the Ombudsman iti inpila na areklamo kontra iti Mayor iti ili ti Paoay, no sadinno a nasuspenso ti 90 nga aldaw.
Segun kenkuana, ti rason ti panangipilana ti reklamo iti nasao a Mayor ket gapu iti maipagarup a panangdadaelda iti nagan na iti panawen ti eleksion.
Inbatadna nga idi indanun na ti isyu iti nasuspenso a mayor pakaseknan iti reklamo na iti maysa nga indibidual a naglabsing iti re-appointment a simmubra ti tawen ti panagserbi na ket maipagarop a saanna nga inpaayan ti naan-anay nga atension gapu iti napalabas a susikda.
Gapu iti daytoy, nagturong ni Atty. Ignacio iti Office of the Ombudsman idi Oktubre 2024 tapno agpila ti reklamo nga abuse of authority ken grave misconduct kontra iti Mayor.
Kalpasan ti dua a tawen ket naiparuk-aten ti desision a pannakasuspenso ti mayor iti 90 nga aldaw.
Imbestigasion dagiti otoridad iti napasamak a vehicular traffic incident a nakatayan ti maysa a maladaga ditoy siudad ti Laoag, agtultuloy ti pannakaisayangkatna
