LAOAG CITY – Na-convict ti 15 a lalaki a nakasoan gapu iti panangplanoda iti 2019 Easter Sunday bomb attacks a nakatayan ti 270 nga indibidual ken nakasugatan ti sumurok 500 nga indibidual.
Pakairaman dagiti nasentensiaan ti guilty ket da Naufer Moulavi, a segun kadagiti prosecutor ket adda iti likudan wenno mastermind iti suicide bombings ken 9 a dadduma pay.
Maipalagip a ti kakaroan ket ti panagbettak iti tallo a simbaan ken tallo a luxury hotels no sadinno nakatayan ti 45 a foreigners.
Naamoan nga amin dagiti bombers a nangiwayat ti panagatake ket natay iti panagbettak.
Mainaig iti daytoy, pinabasol dagiti imbestigador dagiti Islamist extremists, ken ti 25 a lalaki a nadakamat ket aggapu iti Muslim minority iti Sri Lanka. Maysa kadagitoy ket natay kabayatan ng adda iti pagbaludan.
Dagiti akusado ket nakasoan iti 23,000 offences, pakairamanan ti murder, conspiracy to commit terrorism ken possessing firearms.
Kabayatanna, sumurok 2,300 nga indibidual ti nangipaay ti ebidensia iti prosecution ken adda pay 2,076 a pidaso ti ebidensia, pakairamanan ti explosives, swords, ken firearms.
