LAOAG CITY – Nairekord dagiti 46 a baro a kaso ti COVID-19 idinto a 14 dagiti nalaingan ditoy probinsya.
Basar iti datos ti gobyerno probinsya, umabot iti 15 a baro a kaso ti nairekord iti ili ti Bacarra manipud kenni IN-C1480 agingga kenni IN-C1494, agpapada a residente iti Brgy. 7 San Pedro.
Nairekord met iti 15 a nagpositibo iti virus ditoy suidad ti Laoag manipud kenni IN-C1496 agingga kenni IN-C1502, IN-C1511 agingga kenni IN-C1518.
Innem met dagiti nagpositibo iti ili ti San Nicolas, agpada met a dua iti ili ti Sarrat ken iti ili ti Dingras, tallo iti ili it Banna ken saggaysa iti Brgy. Gabut Norte, Badoc; Brgy. Surguim Paoay ken iti Brgy. Catangraran iti ili ti Solsona.
Umaboten iti 1525 ti kaso ti COVID-19 nga addaan iti 316 nga aktibo a kaso, 1198 recoveries ken 11 dagiti pimmusay.
