LAOAG CITY – Addan ti 157 a bangkay a narekobre ti rescue team iti nakapasamakan ti dua a landslides iti southern Ethiopia.
Napasamak ti landslides idi rabii ti domingo agingga iti bigat ti lunes kalpasan ti panagtudtudo na ti napigsa iti kabanbantayan a paset ti Gofa zone.
Inbatad dagiti otoridad nga agtultuloy ti panagbiruka da kadagiti possible a survivor ngem mabalin a manayunan pay ti bilang dagiti pimmusay.
Kinumpirmaran ti chief administrator ti Goza zone a ni Dagmawi Ayele a karaman kadagiti pimmusay ket nataengan ken ubbing idinto nga adda ti 10 nga indibidual a naisalakan da a sibibiag ken manarimaan a maag-agasan dagitoy iti ospital.
Ti Southern Ethiopia ket maysa laeng kadagiti lugar iti pagilian a masansan a makapasar ti napipigsa a tudo ken layos.
