LAOAG CITY – Umabot iti 16 nga estudyante ti natay iti napasamak nga uram iti boarding school iti Gilgil, agarop 120km ti kaadayo na manipod iti north-west ti ciudad ti Nairobi a kabisera ti Kenya.
Malaksid kadagiti natay ket dinosdosena pay a sabsabali dagiti nasugatan iti insidente no sadinno a pito kadagitoy ket nagsagaba ti nakana a sugat.
Inbatad ni Education Minister Julius Ogamba nga agpapan ita ket saan pay a nalawag no ania ti namonganayan iti uram, ken daytoy ti naiget nga im-imbestigaren dagiti otoridad iti agdama.
Naamoan a napasamak ti uram iti Utumishi Girls Academy kabayatan a matmaturog dagiti estudyante.
Mainaig iti daytoy, indanun a dagus ni Interior Minister Kipchumba Murkomen ti pannakipagladingit na iti pamilya dagiti pimmusay nga estudyante.
